Дінмұхаммед Сыздық

Дінтанушы

АБУ АИЮБ ӘЛ-АНСАРИ

радиаллаhу анhу

Абу Аиюб әл-Ансари (р.а.) Хазраж руынан шыққан. Толық есімі Халид ибн Зәйд. Мадиналық ансарлықтардан болатын. Ол Ислам тарихында Абу Аиюб әл-Ансари (р.а.) деген атымен танымал болды.

Рамазан Сыдықайұлы

Сайд   ибн   Зәйд

Сахаба Сайд ибн Зәйд (Аллаһ оған разы болсын) Ислам дініне алғашқы иман келтіргендердің бірі болды. Ол Хаттабтың қызы, яғни халифа Омардың (р.а.) қарындасы Фатимамен шаңырақ құрды. Сайдтің әкесі Зәйд (р.а.) өз ғұмырында Исламнан бұрынғы «жәһилият» заманында Меккедегі арабтар табынатын пұттарға әсте табынбады, олардың атына құрбандық деп шалынған мал еттерінен де мүлде аузына алмады.

Рамазан Сыдықайұлы

Қ.Қ.А. Яссауи атындағы қоғамдық

қорының төрағасы

ӘБУ МҰСА ӘЛ-ӘШҒАРИ

Әбу Мұса әл-Әшғари (р.а.) хижри күнтізбенің шығуына мұрындық болған сахаба. Ол Құран Кәрімді Пайғамбарымыз Мұхаммедтің (с.а.у.) өзінен үйреніп қари болған-ды. «Дәуіт (а.с.) Пайғамбардың дауысындай әсем үн берілді» деген атқа да ие болып еді. Құранды мәнерлеп оқығанда тыңдаушыны ерекше әсерге бөлейтін. Аллаһ Тағалаға деген тақуалығынан (діндарлығынан) көз жасын төгіп көп жылайтын. Шәкірттеріне: «Егер жылай алмасаңдар, жылауға әрекет жасаңдар!», - деп өсиет ететін-ді. Қаншама жылдар бойы ел басқарып келсе де, дүние мүлікке қызықпады, салиқ жанды (әулие) тұлға еді.

Рамазан Сыдықай

СААД БИН ӘБИ УАҚҚАС

Пайғамбарымыз әкелген Ислам діні мұсылмандар үшін ерекше дін болды. Ол адамзатқа тыныштық пен татулық, бақыт сыйлады. Осындай бақытты кезеңде өмір сүрген әрі ең бағалы қазынасын Аллаһ жолында жұмсай білген ардақты cахабалардың бірі – Саад бин Әби Уаққас еді. Ол Исламды 17 жасында алғаш қабылдаған бесінші сахаба болды. Өзі орташа бойлы, ірі денелі айбатты тұғын. Жұмсақ мінезді, адамдармен жылы сөйлесетін. Пайғамбарымыздың шешесі Әмина анамыз бен Саад бин Әби Уаққастың шешесі бір тайпадан, яғни Зүһре тайпасынан болғандықтан пайғамбарымызға туыстық жағы да бар еді.

Рамазан Сыдықай

МУАЗ ИБН ЖӘБӘЛ

«Ғалымдар қияметте бір жерге жиналған кезде, Муаз олардан бір оқ адым ілгері тұрады». (Хадис)

Азан шақырып қойған аты – Муаз бин Жәбәл ибн Амр ибн Әус. Лақап аты – Әбу Әбдуррахман. Ансардың алдыңғы қатарлы сахабаларының бірі.

Рамазан Сыдықай

АЙША АНА – АСЫЛ АНА

(Аллаһ оған разы болсын)

Аллаһ Расулінің (с.а.у.) тәлім-тәрбиесін көрген, шынайы да адал, парасатты ханым, асыл ана Әбу Бәкір Сыддықтың қызы Айша анамыз қасиетті Мекке қаласында дүниеге келді. Ол кезде Меккеде, Аллаһ Елшісіне пайғамбарлық міндет жүктелген болатын. Яғни шыр етіп дүние есігін ашқалы Ислам отбасында тәрбиеленген-ді. Бұл туралы Айша анамыз (Аллаһ оған разы болсын): «Ата-анам мұсылман болғаннан кейін дүниеге келгенмін» - дейтін.