Мұхаммедкәрім Құрманалиев

Сағыныш хаты

Хазіреті Мұхаммед пайғамбарым,

Сәлем бердім, жолыңда құрбан жаным.

Сүннетіңе бас иіп өтем мәңгі,

Шапшыған өң бойымда барда қаным.

Тоқтар Насырханұлы

Алматы облысы, Еңбекшіқазақ ауданы,

Қаракемер ауылы мешітінің бас имамы

Байлар жақсы кедейге жайлы болса

Адамзат бұл жалғанға қонақ болды,

Сол себепті өмірі шолақ болды.

Жүрегі бір Аллаһты сезбегендер,

Бар мен жоқты байқамай тонап болды.

Мұхаммедкәрім Құрманалиев

Шет тілдер оқыту орталығының мұғалімі

Байлық пен кедейлік

Бай болу да бір Аллаһтың нығметі,

Кедейлік те бір Аллаһтың нығметі.

Қайсы жолмен жүрсе жүрсін адамзат,

Жалғыз Хаққа құлдық ету міндеті.

Тоқтар Насырханұлы

БЕС НАМАЗ

Аллаһқа жағам десең азанды бол,

Халыққа жағам десең қазанды бол.

Бес намазды оқымай бекер жүрсең,

Қияметте тартарсың жазаңды мол.

Құрманалиев Мұхаммедкәрім

Әй, ертелі-кеш дүниені аңсағандар!

Дүниенің соңын қуып шаршағандар!

Миы ашып, шекелері қатпарланып,

Өткінші қалау үшін жан салғандар!

Асылбек Зейнабдинов

Дінданушы

БЕС ПАРЫЗ

Шын жүректен кәлимәні сөйле де,

Мұсылман бол, нәпсіңе ерме кел сен де.

Құтылудың жолы осы пендеге,

Бақыттың да, кілті ғой бұл білгенге.

Күнсая қажы Оспанқызы

Талдықорған қаласы

ТӘУБЕ КЕРЕК ПЕНДЕГЕ

Ей пенде, қарашы бір айнала,

Заңғар аспан ұқсамай ма айнаға?

Мөлдір ауа самал болып желпеді,

Егер саған рахым етсе бір Аллаһ.

Ыбырай Алтынсарин

ӨСИЕТ ӨЛЕҢДЕР

Жаратты неше алуан жұрт бір құдайым,

Тең етті бәрімізге күн мен айын.

Адамның адам біткен баласымыз,

Қайсың бөлек тудың деп айырайын.

Мейірбек Сопыбеков

БОСҚА ЖҮРМЕЙ ИМАМДАР,

АМАЛ ҒЫП ІЛІМ ЖИНАҢДАР.

Фәни өмір тұрмайтұғын бір қалып,

Күні ертең өлеміз ғой бір жанып.

Өмірбек Рабия

БӘРІМІЗ ДЕ ҚҰЛЫМЫЗ БІР АЛЛАҺТЫҢ

Әссәләму алейкум, Әзіз халқым!

Сәлем бердім баршаңа қабыл алғын.

Бәріміз де құлымыз бір Аллаһтың,

Сондықтан да сөзіме құлақ салғын.